面對各種負評，我都唔想一個一個回覆，因為我都會攰。
首先好重要既係有人覺得我中立、騎牆。一直以黎我都好明顯有立場，用非黑即白去講係因為，每個人都有佢自己既難處同責任，而唔係講緊唔好分事非黑白。既然良知、人性係最重要既野，咁同理心都不可或缺。
當我嘗試提岀一種見解，同我既歌詞一樣，我完全明白會有人唔認同我，會有其他既分歧同意見，咁我都貫徹我自己講過既野，接受你地既批評。
但有好多情況係，我明明冇講過既野，有人會套唔同既說話落我到，例如話我認為中立係岩呢啲，根本我一直都有立場，首歌都係講對自己人要有同理心，但對敵人我絕對認為要狠。
由第一日post歌開始，我就知道我而家係放緊我既人格、我既理念岀黎俾人品評，有人會認同、有人會反對，呢個就係社會。所有人既人格同理念都會有無限既缺點，因為人類本身就係會犯錯。我完全接受有人覺得我講錯，但重點係要對準我講既野去批評，而唔係去老作去屈我講啲我冇講既野。
同時間都有人嘗試控制我應該寫啲咩題材，呢個都係我個人既選擇，我唔洗聽你講。
講咁多回應咁多唔係想做題材，只係我有好重感受，唔希望俾人曲解。
都係果句: 理解各種分歧，珍惜彼此嘅差異，並以此為凝聚更大力量嘅契機。
會有分歧但唔好分離咪迫人跟你好心你信真理咪迫人憎你。
講住咁多先，多謝支持，加油各位。
Search